السؤال على الرغم من بساتطه الا انى اتفجئت اول ما واحد صاحبى سألهولى , ماعرفش ليه بصراحة بس بجد انا حسيت انى مش عارف ارد عليه او عمال احاول اجيبله كلام من الى بسمعه فى الافلام من نظام انى اتجوز او انى الاقى شغل , علشان كدة انا قلت اعملها زى حمله وواعرف ايه اكتر الحاجات الى ممكن تفرح الناس وقررت ابتدى بنفسى واسيبكو تكتبو اكتر حاجات بتفرحكو فى التعليقات ,على الاقل لو ماطلعناش بفايدة من الموضوع يبقى ضحكنا شويه , انا عن نفسى اكتر حاجات بتفرحنى:
ا1- انى اسمع صوت الشيخ رفعت قبل الفطار فى رمضان
ا2- انى اسافر اسكندريه ( اسكندريه بالزات يا رجاله)
ا3- انى اعمل خدمه لواحد ماعرفوش والاقى نظرة امتنان على وشه( لاخوانا اللغات امتنان ديه حاجة حلوة مش شتيمه)
ا4- انى اكون مروح مهدود من الكليه والاقى الحاجه عامله اكله محترمه فى البيت
ا5- انى احس ان الناس الى حاوليا بتحبنى
ا6- كل ما رئيس الوزارة فى مصر يمشى بحس بفرحة كبيرة قوى ماعرفش ليه الصراحه
ا7- لما بمشى لوحدى باليل قوى فى وسط البلد والاقى البلد فاضيه وريحتها حلوة
ا8- لما عبد الحليم على يضيع جون
ا9- لما الاسماعيلى يطلع من اى بطوله هو مشارك فيها
ا10- لما الاهلى يكسب اى مطش انشالله مع نادى مصانع المكرونه
ا11- لما بقابل اصحاب ماشوفتهومش من زمااااان
ا12- انى احس ان انا مهم ( مش غرور لكن انى احس ان ليه لزمه فى الدنيا مش عايش اونطه)
ا13- لما اقعد لوحدى الساعه اربعه الصبح قدام الكمبيوتر
ا14- لما اقعد لفترة طويله عمال افكر فى حل مسئله واوصل لحلها مرة واحده ( ساعتها الواحد بيحس انه ولا الخوارزمى فى زمانه وهو اساسا ولا يوصل للعمامه بتاعته)
ا15- لما اعرف اصالح اتنين متخانقين مع بعض
ا16- لما اعرف ان اتنين اصحابى هايتجوزو ( بجد شعور جامد فحت , انا نفسى ماكنتش متخيل انى ممكن افرح كدة)
ا17- لما الاقى حد يقدر يفهم انا عايز اوصل لايه من اول مابتدى كلام
ا18- لما اسمع ان فى امريكان جداد ماتو فى العراق( مش كره فى الى مات نفسه )
ا19- لما اجيب النتيجة فى اخر السنه واعرف ان احنا( انا واصحابى) رفعنا راس اهلاينا
ا20- لما اعرف ان اسرائيل اتزحزحت من على الخريطه لحد ماوقعت فى البحر
ا21- لما اسمع ان حزب الله عمل عمليه عسكريه جديدة
ا22- لما بشترى كتاب جديد( اكيد ساعتها جمب الفرحة بكون بتحسر على الفلوس الى ادفعت)
ا23- لما اقعد اقرى الكتاب الى فات ويعجبنى
ا24- لما ايران تعمل القنبله النوويه
ا25- لما اشوف اللون الاخضر ممتزج مع البرتقانى وفى نفس الوقت فى طراطيش صفرا فى النص
كفايه كدة النهادرة ومستنى اشوف احسن حاجات ممكن تفرحكو انتو كمان فى التعليقات
ملحوظة1 اى حد هايقرا الكلام ده لازم يسيب هو برده اكتر حاجات ممكن تفرحه فى الكومينت تحت
ملحوظه2 معلش احنا خرجنا عن النطاق النقدى بتاع البلوج وخليناه شخصى شويه , بس ده مايمنعش ان البلوج لسه محتفظ بمنهجه الثابت والى فوق ده بس فى سبيل كسر الملل .
ودومتم
ا1- انى اسمع صوت الشيخ رفعت قبل الفطار فى رمضان
ا2- انى اسافر اسكندريه ( اسكندريه بالزات يا رجاله)
ا3- انى اعمل خدمه لواحد ماعرفوش والاقى نظرة امتنان على وشه( لاخوانا اللغات امتنان ديه حاجة حلوة مش شتيمه)
ا4- انى اكون مروح مهدود من الكليه والاقى الحاجه عامله اكله محترمه فى البيت
ا5- انى احس ان الناس الى حاوليا بتحبنى
ا6- كل ما رئيس الوزارة فى مصر يمشى بحس بفرحة كبيرة قوى ماعرفش ليه الصراحه
ا7- لما بمشى لوحدى باليل قوى فى وسط البلد والاقى البلد فاضيه وريحتها حلوة
ا8- لما عبد الحليم على يضيع جون
ا9- لما الاسماعيلى يطلع من اى بطوله هو مشارك فيها
ا10- لما الاهلى يكسب اى مطش انشالله مع نادى مصانع المكرونه
ا11- لما بقابل اصحاب ماشوفتهومش من زمااااان
ا12- انى احس ان انا مهم ( مش غرور لكن انى احس ان ليه لزمه فى الدنيا مش عايش اونطه)
ا13- لما اقعد لوحدى الساعه اربعه الصبح قدام الكمبيوتر
ا14- لما اقعد لفترة طويله عمال افكر فى حل مسئله واوصل لحلها مرة واحده ( ساعتها الواحد بيحس انه ولا الخوارزمى فى زمانه وهو اساسا ولا يوصل للعمامه بتاعته)
ا15- لما اعرف اصالح اتنين متخانقين مع بعض
ا16- لما اعرف ان اتنين اصحابى هايتجوزو ( بجد شعور جامد فحت , انا نفسى ماكنتش متخيل انى ممكن افرح كدة)
ا17- لما الاقى حد يقدر يفهم انا عايز اوصل لايه من اول مابتدى كلام
ا18- لما اسمع ان فى امريكان جداد ماتو فى العراق( مش كره فى الى مات نفسه )
ا19- لما اجيب النتيجة فى اخر السنه واعرف ان احنا( انا واصحابى) رفعنا راس اهلاينا
ا20- لما اعرف ان اسرائيل اتزحزحت من على الخريطه لحد ماوقعت فى البحر
ا21- لما اسمع ان حزب الله عمل عمليه عسكريه جديدة
ا22- لما بشترى كتاب جديد( اكيد ساعتها جمب الفرحة بكون بتحسر على الفلوس الى ادفعت)
ا23- لما اقعد اقرى الكتاب الى فات ويعجبنى
ا24- لما ايران تعمل القنبله النوويه
ا25- لما اشوف اللون الاخضر ممتزج مع البرتقانى وفى نفس الوقت فى طراطيش صفرا فى النص
كفايه كدة النهادرة ومستنى اشوف احسن حاجات ممكن تفرحكو انتو كمان فى التعليقات
ملحوظة1 اى حد هايقرا الكلام ده لازم يسيب هو برده اكتر حاجات ممكن تفرحه فى الكومينت تحت
ملحوظه2 معلش احنا خرجنا عن النطاق النقدى بتاع البلوج وخليناه شخصى شويه , بس ده مايمنعش ان البلوج لسه محتفظ بمنهجه الثابت والى فوق ده بس فى سبيل كسر الملل .
ودومتم
M.bazeed
25 comments:
ازيك يا بازيد
حلو اوى الموضوع اللى انت بتتكلم فيه ده وفعلا رغم بساطه السوال الا ان ناس كتير وانا منهم لما بتسالهم السوال ده بتستغرب ومبتعرفش ترد وبتفكر كتير اوى قبل ما ترد
طبعا انت بتقول عماله ترغى ديه ومش هترد ولا ايه بس انا مش ناسيه انك مستنى الرد
وهبدا اهو انا بنبسط
-يمكن من اكتر الحاجات اللى بتبسطنى انى اساعد حد انه يحل مشكله او انه يغير من نفسه للاحسن
- طبعا يوم النتيجه ويمكن لنجاح اصحابى اكتر من نجاحى
- لما احس بحب اللى حواليا واهتمامهم بيا
- ولما افكر فى اى حاجه سوال مساله او مشكله واكون مش لاقيلها حل وفجاه اوصل لحلها بنبسط جدا
-بفرح وانا قاعده قدام البحر مش عارفه ليه
- لما اكون عايزه اقول حاجه ومن غير ما اتكلم او اكون لسه هقولها واللى قدامى يفهم
- لما الاقى حد بيفهمنى من غير ما اتكلم
- لما اكون بفكر فى حاجه وتحصل زى ما انا فكرت فيها بالظبط
- لما اشوف او اكلم حد من اصحابى القدام اصحاب ثانوى يعنى
-طبعا اخر يوم فى الامتحانات ببقي هطير من الفرحه
هاى يا بازيد حلو اوى موضوعك و الكلام جامد جدااو بجد خد الكلام من على لسانى و قلت شويه اسباب بجد قعدت افكر على ما الاقى غيرهم و فعلا السؤال ده صعب ان اى حد يجاوب عليه لان فى حاجات كتير ممكن تفرح الانسان و ممكن حد يكون مش عارف ايه الى يفرحه زى بالظبط سؤال انت عاوز ايه فى دنيتك سؤال صعب بردو
ما علينا المهم ان موضوعك جامد
و انا الى يفرحنى انى اضحك حد او انى اشوفه فرحان بسببى و كمان لما بنجح و باخد نتيجه انا استحقها و اصحابى يبقوا زى و لما اسمع اراء عنى حلوه(بصراحه بفرح اوى وراسى بتترفع مترين فوق)و لما ننجز حاجه محدش عرف يعملها و لما احس ان امى راضيه عنى(طبعا ده بغض النظر انى بحب بردو اقعد لوحدى انا و الكومبيوتر و النت و اعيش)و انى اوفق بين اتنين اصحابى(يبخت من وفق راسين فى الحلال) حاجات كتير اوى بس الى يفتكر..............
سيبك انت من ده كله حلو القرد الى انت حطه ده فعلا بيعبر عن السعاده.....و عاوزين دايما نقرا موضيعك الجامده يا بازيد و بالتوفيق
ايه يا واد الحلاوه دى لأ جامده ائولك بقى انا اكتر حاجات بتبسطنى ايه
انى اكون اعد مع ناس بحبهم
انى اعد افتكر الذكريات اللى حصلت وافتكر الايام السوده(بروجكت وايه سى ام)
ان اتنين اصحاب واحد صاحبى يتجوزوا عشان مش عارف الشعور ده
وانى انجح فى الكليه واخر يوم فى الدراسه و اما الاهلى يكسب الزمالك
واما بنروح كلنا الاستاد ونكسب
و اما نعد كلنا فى الكليه نتصور
واما يحصلى فى بلدنا حاجه حلوه
و اما حد عربى يعمل حاجه عالميه
واما المقاومه تحارب بجد فى اى حته عربيه
بجد يا جماعه شكرا للى تعب نفسه وكتب تعليق بس والنبى اى حد يكتب يتكرم برده ويكتب اسمه معاه بدل مانا قاعد انجم كدة علشان اعرف مين الى بعت
ودومتم
هو حاجات كتير اكيد ممكن تفرح الواحد
مش هكتب زيك 25 حاجة بس اكتر حاجة بتفرحني فعلاً اني اشوف حد فرحان بسببي
السلام عليكم ورحمة الله وبركاته
اولا بحب احييك يا محمد بجد على الكلام الرائع والواقعى والجريء جدا جدا دة
والله انا عن نفسى فيه حاجات كتير من اللى انت قولتها بتفرحنى ومتفق معاك فيها بس مش الفرحه اللى بجد
بس بحب اركز اكتر على حجات منها
1-انك تكون انسان محبوب وتحس دة فى عيون الناس
2-انك تقدم خدمه لحد يكون محتاجها جدا وانت كانك انقذته
3-لما ربنا يهدينى واحس انه راضى عنى (فرحه مابعدها فرحه)
4-لما بتكون عايز توصل حاجه لحد وخلاص راحتك متوقفه على الموضوع ده وتلاقى الحاجه ماشية زى مانت عايز
5-لما ربنا -ان شاء الله- يرحمنى من المشوار الغتيت دة او تتنقل الكليه جنب بيتنا
اما بقى عن الفرحه اللى بجد فهى انى احس ان ربنا راضى عنى والاقى الشغل اللى احس انه هو دة اللى كنت بتمناه بعد التخرج وان ربنا يكرمنى ويجمعنى مع الانسانه الصالحه اللى بتنماها ويرزقنى بعيال كدة حلوين ومقطقطين واعلمهم كل الدروس اللى اتعلمتها من الحياة
والفرحه الكبرى لما الاقى نتيجة دة فيهم وحجات كتيييييييييير جدا بس ربنا يحققلنا دول واحنا مش طماعين
بس الفكرة يا محمد مش انك مش لاقى رد تقول ايه اللى بيفرحك بس انك مش قادر تلمس الحجات دى بايديك فى ظل الظروف اللى عايشيتنها طبعا
اما بالنسبه للكلام التانى انا متفق معاك جدا جدا جدا بس من ورى الناس لان اهلى عايزنى ياعم
وزى مابيقولو الجرى نص الجدعنه واحنا جدعان اوى اوى فى الحجات دى
ماتخفش يا حمادة
هاجيبلك عيش وحلاوة معايا ومش هانساك
يالا سلااااااااااااااام
ana fi 7agat mesh keter awy pitfara7ni pas lama el 7agat de piti7sal pap2a far7an awy
zay masalan:
-lama 2al2y sa7p pigad
-lama 2akon ma5no2 we 2ala2y 7ad 7asis pia we py2oli malak we ye7awel yefokini men el5an2a de
-lama 2la2y 7ad ma5no2 we 2foko ana men el 5an2a de we hina pafra7 aktar
-lama pa7is en ana lia lazma fi el 7aia 7ata law 3amalt ay 7aga pasita we tel3it 7ilwa patpisit awy
-we a5iran lama pala2y wa7id mesh hamo 7aga zayak kida pa2ol elpalad lisa pi5ir pas ya 5osara mapytawilosh
yours:mo7amed ashraf
ana fi 7agat mesh keter awy pitfara7ni pas lama el 7agat de piti7sal pap2a far7an awy
zay masalan:
-lama 2al2y sa7p pigad
-lama 2akon ma5no2 we 2ala2y 7ad 7asis pia we py2oli malak we ye7awel yefokini men el5an2a de
-lama 2la2y 7ad ma5no2 we 2foko ana men el 5an2a de we hina pafra7 aktar
-lama pa7is en ana lia lazma fi el 7aia 7ata law 3amalt ay 7aga pasita we tel3it 7ilwa patpisit awy
-we a5iran lama pala2y wa7id mesh hamo 7aga zayak kida pa2ol elpalad lisa pi5ir pas ya 5osara mapytawilosh
yours:mo7amed ashraf
bazeed
ezyak
"tb3an 3rft ana meen"el mawdo3 dh gamed moot we el so2al kman 7elw awey we enta gebt asbab kteer bs a2olak b2a ana eh akter 7agat btfr7ny ana bfr7 awey lma ashtry 7aga gdyda we kman lma bldna bta7'od mrkz gamed fy ay 7aga we kman lma b7s eny kont sbb fy en 7d yb2a mbsoot we fr7an aw a7ello moshkla kman bfr7 awey lma a7s en as7aby ely ana b7bhom homa kman by7bony we men gwahom we bfr7 awey lma a7s en fy aml fy bokra we kefaya 3lyk keda
2na 2ly bybsetny 2ny 2a7a2a2 lee 2ahly 7aga kan nefsohom 2a3melha,2a3mel positive step in my life,2azhar momayza, 2akon sabab sa3adet 7ad
بجد هو سؤال غريب جدا ، مش لأنك مش هاتلاقى ليه إجابة لكن لأنك ممكن تتكلم فيه من هنا لغاية بكرة الصبح .
اكتر حاجة ممكن انبسط منها:
-لما اتجمع انا واصحابى اللى بقالى كتير ماشفتهمش ونقضى اليوم ضحك وتهريج.
-لما اكون ماشية على النيل(لوحدى) الساعة تمانية فى الشتا و باسمع فيروز .
- اخر يوم امتحانات (طبعا).
-بعد عرض أى مسرحية انا كنت شغالة فيها(بيبقى احساس راائع و انا سامعة التصفيق ليا او لغيرى)
-لما احس اننى ساعدت حد فى مشكلة قابلته واننى كنت حاجة مهمة فى حل المشكلة.
-لما افرح اهلى بيا (ماحصلتش من ساعة ثانوية عامة)
-و طبعا لما الواحد يحس انه بنى آدم و بيفهم و تتطلع معاه مسألة صعبة صح لغاية الفاينل آنسر.
-كتاب جديد+أودتى وهى دفا فى الشتا+كوباية كاكاو كبيرة= مافيش احسن من كدة
-لما اكون عايزة اقول حاجة و مش عارفة اعبر عنها والاقى حد فهمنى من غير لما اتكلم.
- و اكيد لما افتح البلوج بتاع سيادتك والاقى انك اتكرمت و كتبت حاجة جديدة من الحاجات اللى بتودى فى داهية(بحس ان لسة فى حد جرئ).
و بس كفاية كدة علشان الصداع.
يا سلام يا بازيد على الكلام الجامد بالمناسبة اخواتك بتوع اللغات اكيد عارفين يعنى اية امتنان (مش هو دة العسل الابيض طعمة حلو ) اية كتر حاجة بتبسطتنى ممم و اللهى حاجات كتير منها مثلا : -اننى اشترى اى حاجة جديدة (حتى لو كانت فردة شراب) و اننى يبقى معايا فلوس زيادة فى جيبى حتى لو كانوا 3 شلنات و 1 سنت و اننى اعمل حاجة اساعد بيها اى حد (بغض النظر عن مبدأى هو عيش ندل تموت مستور) و اننى اخلى ماما فرحانة (غالبا بيبقى السبب كوباية شاى عملاها الشملولة اللى هو انا ) و طبعا اكتر حاجة تفرحنى ان الاهلى يكسب اى فرقة بالذات اخواننا البعدا و ان اى فريق لمصر يكسب اى حد فى اى لعبة حتى لو كانت بلى (ولاون حتى دة بطلنا نكسبة من زمان) بس اكتر حاجة بتفرحنى هو مشوار الصايغ ملحوظة: للشراء فقط
او ان النحس يتفك من فوق راسى الكريمة و افرح اهلى بتقدير فوق الجيد مرتفع دة لكن اكتر حاجة هتفرحنى بجد لما تحصل ان شاء الله اننى السيد الوالد حفظه الله و جعله ذخرا لنا (بالمناسبة انا معرفش يعنى اية ذخرا دى بس سمعتهم بيقولوها فى التى فى) يجيبلى اللاب توب و دة طبعا عشم ابليس فى الجنة و كمان لما بخرج خروجة حلوة مع صحابى
looooool , ezzaya ya pazeed Basha , 3aml eih lol
enta 3areff malfish wa2t a2ra el blogzzzzzz el gamda bta3tak , bas enta ragel 10/10 , wana wsek feek mn gheer ma2ra lol
any wayes ya3ny weta 3areff en e7na el nenja :P
aktar 7aga btebsetny al etraaaa2 , en 7ad ye2adrlak 7aga enta 3amaltahha even wenta msh mstanny dah , also to help someone fe moskhkela aw khlafoh >>>bakoon mabsoot akher 7aga , kaman mn el 7agat ely btebsetny awy el akl >>ma3lish ana tefes shwaya >>ana momkin asreff 500 gnaih fe akla gamda we mayhemnish , el mohim my pleasure D:
salam ya wad ! 3amak dr.7azem Bomza
سيبك انت يا حازم مادام احنا النينجا:Dيبقى مش محتاجين اطراء من حد علشان يبسطنا .. احنا مطروئيين لوحدنا
ملحوظه( يعنى تصرف 500 جنيه فى اكله وماتعزمنيش ماشى يا حازم كل واحد ليه يوم برده)
ana bas 3awez a3raf 7aga enta bteb2a mabsoot leh lamma beto23od 3ala el gehaz el sa3a 4 am lewa7dak 3ala el gehaz
bte3mel eeeeeeeeeeeeeeh....
aha sa7ii7 na nsseet akteb esmy sorry we 3shan ana ba7ebak we mesh 3awez at3ebak " smartcosmo™ " da ana ... we 3ala fekra ana elly kan mmkn yefara7ny begad en el bernameg beta3y ye run fe ay emte7an 3amaly bas lel asf ..
اربعه الصبح ولوحدى اديك انت قلتها لوحدى لو الى فى بالك صح كنت هابقى انا والشيطان مش هابقى لوحدى بقى
heey ..mawdoo3 7lw 2wy.mmm..2ktar 7aga momken tebsetny:
1.n mama we baba ykono kwayseen we radyeen 3any.
2.enny 23od 2rseem m3a nafsy foo2 stoo7 betna.we en el lo7a tkoon zay ma ana 3awzaha .
3.enny 2shof el shroo2 kol yoom el sob7.
4.enny 27es enny 3andy so7ab begad by7eso bya we 2wraybeen menny (mosh lazem ykono kteer)
5.lamma ba 23mel 2y 2ngaz fe 7ayaty 2yan kan.
6.lamma 2rsem 7ad ba 27ebo,2w 7ad ba 2kraho we 2shaweh sorto 3la mazagy:D.
7.lamma 2shof kol elly 7walaya mabsoteen menny.
8.lamma 2la2y 7ad by3amlny 3la enny bashar(mosh malak wala shytan walla 7ywan).
9.lamma 2shem re7et el matara fe el sheta.
10.lamma ba 2lbes fostan gameel :$.
(ana 3awza 23raf 7aga :2sm3na el 25dar m3a el 27mar we fe tarateesh sfra ??!2w3a ykon zay elly fe dma3'y ;))..cindi.
اكتر حاجة بتبسطني ؟سؤال صعب شوية خصوصا لناس خرجت للحياة العملية بقلها 5 سنين اكتر حاجة بتفرحني
اني اشوف ابتسامة على وش طفل صغير وانا محشورة الصبح في المواصلات
ان الدكتور المشرف على الماجستي يستقر معايا على رائي وميغيروش كل نص ساعة اني اعلم حد حاجة واحس ان كلامي ساب معاة اثر مهما كان صغير (دة لاني بدرس بشكلا ما )
اني احس ان الناس اللي حواليا بيحبوني ويحترموني
اني احس باني الحمد اللة احسن من غيري
اني اكون عارفة حاجة واتفاجاء بان محدش عارفها ( بصراحة دة بيرضي غروري )
اني افتح كل يوم نافذة جديدة على جهلي ( ودة معناة لمن لا يعرف اني اقرا كتاب جديد يحسسني اني مهما عرفت فا انا معرفنش الا قطرة في بحر)
و اخيرا اهم حاجة اني اكون مع الناس اللي بحبهم وبيحبوني
Tipe Co.
Tipe 토토커뮤니티 Co. Inc., Inc. (NASDAQ: t fal titanium pan TEPTEC) has been cerakote titanium recognized as the world's 2018 ford fusion hybrid titanium number-one manufacturer of graphically superior graphically superior graphically superior graphically superior graphically superior graphically superior titanium wedding band graphically
sb204 mackage türkiye,nike schoenen kids,geox csizma,kathmandu ダウンジャケット,stone island shorts cargo,longchamp zaino,lakai schuhe,lakai colombia,mackage graydon jacket dm932
cr332 www.fakebag2023.ru rk494
Post a Comment